由岡山駅出發，只需要20分程左右的車程，就到達倉敷，車資￥320。因為後樂園與岡山城最多半日已經參觀完，所以倉敷經常會與岡山組合成一整日的行程。
倉敷美觀地區因為獲得了米芝蓮2星級評價，所以遊客都相對多了。
倉敷需要花多少時間因人而異。如果你是一個喜愛慢遊的人，每間小店也要看一看的話，半天也走不完。但我這些對購物沒太大慾望的人，留兩三個小時就已經能看一遍了。
過左商店街，會見到鶴形山，見到上面話有間廟宇，就上去行下。睇返簡介，原來呢間在美觀地區旁的阿智神社，創建至今已有三百多年歷史，位在整個倉敷美觀的最高點。當然去過日本既朋友都知道，日本間間神社都講到有咁上下歷史，至於值唔值得每一間都參觀，真係好睇大家對廟宇有幾大興趣。
阿智神社正殿北側有被認定為岡山縣天然紀念物既"阿智之藤"。網上就講到每年5月上旬可以鮮花綻放。但我見到既只係綠油油的景色。說好的花呢？
遊覽倉敷，除了靠雙腳，還可以用人力車及坐船。一條友就無謂花呢d錢吧，反正有的是時間。
白壁宅邸與倉敷川沿岸柳樹所形成的街道。對面那些人好嘈，完全破壞曬倉敷寧靜既氣氛。
倉敷美觀地區走到哪都是白璧建築，屋況都保存得非常棒，就算是重新翻修也會維持原貌。日本的帆布袋很出名，時至今日，日本70%的帆布還是由倉敷產出。不過對於這些帆布製品，我的興趣還是不大。
反而對食就有d興趣。本來計劃在"林源十郎商店"的pizzeria CONO foresta食個lunch做下偽文青，但佢11:30開門，12:00門口已經出現人龍。建議想食既朋友最好11:30就去排定隊，食完先再慢慢遊走倉敷。
一條友又唔好意思排完隊霸人成張台，所以轉移陣地去食"有鄰庵"。wtf，又係長長既人龍。。。
最後選擇在附近食左少少小食。
金賞炸蠔餅。冇咩特別，因為烤過，食唔到d蠔既味道。
呢串野係每次去日本明知係伏但都一定會試既野。嚴格而言，只是糯米加d醬。
接近中午，遊客都開始多，好多食肆都開始要排隊，所以參觀完倉敷就回岡山。在酒店check-out後，就前往今次旅程最期待既地方 - 四國。
順道一提，如果覺得美觀地區賣的東西太遊客化或者意悠未盡，在倉敷駅不到5分鐘路程有個三井Outlet，大家順道可以血併一番！
沒有留言:
張貼留言