離開左倉敷返到岡山，酒店取回行李後就坐ＪＲ快速マリンライナー去高松。時間唔使一個鐘，車資都只係￥1,510。所以香港快運開高松線，有點兒是和港航自己人打自己人。不過無論如何，受益既都係消費者。
瀨戶大橋線列車會穿過瀨戶大橋，屬於本州四國連絡橋路網的三條路線之一。瀨戶大橋是沿島連接岡山和香川縣之間5個島的6座橋的總稱，橋樑全長達9.4km。
高松駅既特徵 - 外牆的笑哈哈。
因為知道明日會落雨，加上今日高松港有星期日市集，所以都在遊邊行左個圈。高松呢個星期日市集特別的地方是每個攤位都係由一個個家庭去駕駛自己的車到預定的位置擺賣的。而賣既野都係一d重好新但已經唔要既野，例如衫、玩具。有一d重係完全未用過的。相信目的都係環保既精神，物盡其用之餘又可能幫補大家生計。
其實呢個亦都係一個好好既身教。
天色還是不錯，完全估計唔到往後兩日落雨的天氣。
因為日本氣象廳預報明日後日都是雨天，而且有機會是雷雨，所以今日既行程亦比較趕急。回到酒店放底行李後，就立即出發前往栗林公園。今明兩晚會入住的Dormy Inn。
前往栗林公園可以坐琴平電鐵前往栗林公園駅，車資￥190，再步行5分鐘左右就到達公園入口。不過琴平電鐵既班次就比想象中疏，非繁忙時間平均15分鐘先有一班車，所以大家可以上網check定班次，免得去到送車尾。
d
栗林公園是日本四國地方最著名的庭院，號稱一步一景，分為南、北兩個庭園，南庭為迴遊式庭園，北庭是近代的準洋式庭院。如果時間有限，其實南庭已經是精華所在。栗林公園是四國唯一被指定為國家特別名勝的地方，亦是高松的歷史文化道。
栗林公園的入口，由琴平電鐵栗林公園駅步行約五分鐘就到。相比岡山後樂園，我更喜愛栗林公園，完全不輸日本三大名園。
認真，我對那些園林說明其實興趣不大，反而只要感覺構圖顏色吸睛就能吸引我的注意。一邊沿南庭走，一邊拍照。
下面呢張相就係栗林公園既poster card構圖，基本上所有遊客都會登上這個小小山仔去影。
參觀完栗林公園，就繼續前往仏生山溫泉天平の湯。仏生山溫泉天平の湯是一座以現代建築設計而出名的溫泉館。主要提供日歸溫泉及輕食，是一個假日休息既好去處。由粟林公園又坐多幾個站，再走10分鐘左右就到。
泡湯費用￥600。呢個地方比較多日本本地人泡湯，反而聽唔到國語及廣東話。可以始終附近沒有太多旅遊配套，主要是民居為主吧。
一入到去，完全係偽文青既聖地，簡約而現代化既建築，木地板配合白色牆身。不解釋，去相。
仏生山溫泉本身設有餐廳，收費合理，泡完溫泉就可以先吃點東西再在common area休息一下。
當日點了碗牛肉烏冬作為晚飯。
入夜後的仏生山溫泉，可見其建築設計的簡約及空間感，與傳統的日式溫泉截然不同。
泡完湯食過晚飯，就去左附近一間叫"焼鳥焼鳥てんやわんや"既地方食串燒。呢間串燒係我之前計劃行程時，在網上既一個blog介紹的。呢間野相比香港或者日本其他地方既串燒都平，平均都係￥400-500 / 5串，值得推介。
如果坐bar台，可以見往師父在你面前燒。
趕左一整日既行程，食完就慢慢行返去仏生山駅坐電鐵返瓦町，再回酒店休息了。
沒有留言:
張貼留言