金刀比羅宮
話說日本氣象廳預計今日下午開始，連續兩日都會落雨，加上昨晚已經在Toyota Rent A Car取了車，所以很早就出發去左金刀比羅宮挑戰那1368級的樓梯，畢竟有些景點不是有車就能解決天氣問題。1368級樓梯有多長？大約是香港的天壇大佛268級的5倍左右吧。
在高松入往了兩晚的Dormy Inn食過一個簡單的早餐後，在不到一小時的車程，便到達金刀比羅宮。由於是自駕前往，所以車就直接泊在表參道商店街的入口停車場。
金刀比羅宮御本宮位於香川縣西部海拔 521 米的象頭山山腰上，供奉著被稱爲“金毗羅”的海上守護神而聞名，主要是祀奉保佑農業、生產業、醫藥及海上守護的神明。在民間信仰高漲的 14 世紀室町時代，參拜金毗羅是很盛行的一項活動，現在仍有許多人從全國各地趕來參拜。
金刀比羅宮只要在表參道消費滿￥1,500，就可以免費泊車。其實唔難，買一兩件手信都已經夠數。
時間尚早，表參道商店街基本上都冇咩遊客，好多舖頭都未開門。不過相比人頭湧湧的商店街，我更愛這種寧靜的氣氛。
參拜既遊人可能以老人家為主，沿表參道的石柱都不難發現洗手間的指示。
由停場場行左二百米左右平坦既表參道商店行後，就會見到下面呢段通往金刀比羅宮樓梯，亦都係要開始挑戰那千多級樓梯。
位於第113階既一之坂鳥居。
走了365級，終於到達左金刀比羅宮......的大門......
大門後面是五人百姓的攤位，眼見有四個攤檔。據聞係因為五人百姓既祖先對金刀比羅宮有好大貢獻，所以先比佢地有特權在神社裡面賣野。亦都即係我地成日講既成功需父蔭。
早上到達時只有三個攤檔營業中，不過四檔其實都係賣差不多，一種叫「加美代飴」的橙黃色糖果。因為表參道都有得買，加上味道沒有甚麼特別，所以只是到此一遊後便繼續上路。
過了五人百姓的攤檔後，是一條不太長的步道。聽聞兩旁既樹是櫻花樹，不過因為櫻花期已過，沿途變了日本人包裝成「新綠」的美景 - 即平時週街都見到的樹⋯⋯
往上走，終於看見第一間比較大間既神社。剛剛見到的時候，真的誤認這間位於第628級的旭社就係御本宮。
位於旭社外的一個水缸，中間很多羊群心理下投入的硬幣。至於實際目的是甚麼，估計是"善信"們當是香油錢的一種吧。
不過到達旭社，其實亦即是離位於第785級樓，在象頭山山腰梯的御本宮已經不遠了。不過今日天氣一般，御本宮很大霧。剛剛見到有間電視台已經在拍攝，真的要配服他們早起拍攝的毅力。
唔知係因為有攝製隊所以有祭祀活動，定係因為有祭祀活動所以先有攝製隊去拍野，又係有雞先定有蛋先既問題。雖然天氣不似預期，不過早起既鳥兒有野食，最少我都可以睇到攝製隊拍野同埋個祭祀活動。
御本宮旁既繪馬所，亭內上方掛滿左好多船既畫。
d
d
面對御本宮右方的展望台可以一覽讃岐平原寬闊的美景，但今日超大霧，咩都睇唔到。不過既然比預計時間早左行到上本宮，而且沒想像中辛苦，就決定行埋上奧社。御本宮個指示牌寫話要約30分鐘，就我去挑戰一
上奧社前既第一個休息站 - 白峰神社。
由本宮再上，行到1368級，就會到達金刀比羅宮的最高點 - 奧社。由表參道商店街到達奧社，比建議時間行得快，只係用左一個鐘多少少。
果然拜得神多自有神保佑，上到奧社，比我見到雲海！
其實奧社本身唔係好大，逗留左一陣就開始落返山。
落返本宮時，攝製隊已經轉移左拍攝地點。
睇左一陣，都要走了。。。
落山其實很快。落返旭社，霧散了不少，影張相都了很多。
回程時天氣雖然未見好轉，但至少雨停下了，霧氣也散了。當時，亦都開始聽到講廣東話的遊客呢。
沿表參道，不難看見售賣／借用行山竹的舖頭。
因為之後入大步危，未知有冇咩食，同埋一場黎到金刀比羅宮，點都要食下野，幫助下消費。去返表參道商店街，入左呢間網上推介既舖頭食烏冬。可能呢兩日食左好多烏冬，呢餐食落其實冇咩特別。(當然都好食，不過唔係話好突出)
食完烏冬差不多中午午飯時段，很多店家都開了門，遊客亦開始多。
參拜完金刀比羅宮 (其實只有參，沒有拜) ，就離開香川縣，出發前往位於德島縣邊邊的大步危及祖谷。若然大家的時間有限，金刀比羅宮可預留4-5小時參觀便足夠輕鬆遊覽 (不包括前往參觀的交通時間) 。
估唔到會有雲海，應該算係錯有錯著？
回覆刪除我去既時候仲有櫻花，o係你見到新綠o個度，真係好靚ga