由Dormy Inn行到去瓦町駅已經濕了一半，之後坐左兩個站到左高松築港駅，再沿海邊行去高松港。因為出發時間已經係八點幾，都幾多人返五返學，係差唔多去到尾站先少返d人。不過就可以見到個地下有幾濕。
去到高松港，佢會有一排counter賣飛的。不過其實可以利用售票機自行購票，而counter亦只會在開航前二十分鐘左右先有人賣飛。由高松去小豆島有快船同慢船選擇，因為今朝又早左起身，約左Orix十點先取車，所以就試下坐慢船去，又可以慳返幾百yen。
其實往後幾日都會自駕，而高松往小豆島既慢船其實可以載車的。不過大家睇到下面個價目表 (不包括乘客)，就會發覺去到土庄港才租車其實更化算。因為Orix租k-car一日12小時，連埋稅及免責補償都係￥6,000左右。
慢船既船尾係比車上船既地方。呢一類載車既船，在香港經已很少見了。
慢船既設施比快船多。有小食部、汽水機、遊戲機等，連坐位都闊落好多。
因為都要成個鐘先去到小豆島，就在船上四圍走動，下層就是停車的地方。今日雖然落雨，但坐這班慢船既汽車也不少。
一落船橫風橫雨，都要攞左架車安全d。由土庄港步行往Orix都係5分鐘內的事。而Orix小豆島店的職員是一對公公婆婆。可以小豆島比較多遊客，那位公公都識得講一兩句簡單英文，所以全程都冇咩問題。雖然係k-car，但內部都算闊落，最大問題只是上山時要地板油。
取車後就立即前往第一個景點 - 二十四の瞳映画村。「二十四の瞳」是由日本小豆島町出身的女文學家-壺井榮，於1952年所發表的小說。電影『二十四的瞳』拍片使用的場地「小豆二十四的瞳映畫村」,是將「二十四的瞳」外景拍攝場地改建成的,呈現大正和昭和初期的時光。場地乃位於望眼盡收瀨戶內海景色。
不過介紹既野，大家可以上網慢慢google，我還是比較鐘意出圖。
岬の分教場の教室。即係咩？咪即係課室。學校會有咩？其中一樣咪就係學生最唔鐘意既教員室lor。
因為出而落緊要，又因為呢間學校太吸引，最後留左成個幾鐘影相。最後發覺未食野，去左隔離間餐廳食左個"學生餐"。
之後就出發去マルキンMarukin醤油記念館。
沿途又落起雨，只好把車停在一邊。
マルキンMarukin醤油記念館。距今大約400年前，為了建造大阪城而前往小豆島採石的大名帶來了湯淺醬油，小豆島亦因此開始製造醬油。丸金醬油是現今尚存的醬油坊中人氣數一數二的。
參觀完醬油廠，就再轉戰小豆島橄欖公園。之前睇旅遊書話小豆島氣候乾燥少雨，點知我就應該選擇了在天氣最差既日子前來。
中山千枚田在小豆島的中央山區，一片一片的水稻沿山坡層層堆疊。不過都係那句，出而落狗屎，只好靠自己想像一下。
因為16:00先還車，所以見有時間，渣左上小豆島最高點的四方指望亭。但咁既天氣，上到去當然係咩都睇唔到啦。
之後一大段路都係落山，真係爽爆。去左天使的散步道參觀。每日得潮退時先會見到條路，話同另一半行過去對面就會幸福快樂。但今日我只係見到一個濕水天使。
最後就去埋土渕海峡，呢個明明就係一條溝渠，但居然同我講話係全世界最窄既海峽，重要攞埋健力士世界紀錄，真係千奇百趣呀。
因為去程時坐左慢船，回程要趕及17:30在Toyota Rent A Car取車，所以選擇了快船。總算是兩種船也體驗過。快船既裝飾比較新穎一些，而且有小豆島既吉祥物陪你坐船呢！
整日小豆島行程開了約60公里，油費￥464。平均HK$0.6 / km。
返到高松港，就去了Toyota Rent A Car最車。因為第二日要很早就離開高松，所以預先一晚取車。今次唔租混能車，租了架P2 - Ractis。藍色車身，我的最愛！
泊好車，就出去搵野食了。香川縣除左鑽岐烏冬，另一樣出名既就係骨付鳥，即係炸肶。
由於呢間餐廳只有我睇唔明既餐牌，所以食完之後就真係要搵正餐食。
金比羅烏龍麵
宵夜方面，當然係我選擇Dormy Inn既原因之一 - 免費宵夜醬油拉面！
沒有留言:
張貼留言